Time-Lapse

Unha nova técnica e, polo tanto, un novo traballo. Desta vez o obxectivo era facer un time-lapse e integralo nunha historia cun mínimo de narrativa. Eu decidín grabar un día da miña vida con esta técnica. Aquí The Life-Lapse:

O procedemento que seguín para a realización deste traballo foi básico: primeiro ter a idea, desenrollala e planear as distintas tomas. Despois, organizar os días de grabación e que tomas facer en cada un. Porque aínda que se vexa un día da miña vida, está grabado en 3 distintos, por problemas de tempo. Entón hai que ter en conta o vestuario, que sea o mesmo, e a iluminación, porque, por exemplo, a última toma está grabada o domingo ás 12:00 do mediodía pero no vídeo correspóndese co momento de irse a dormir. Á hora de poñer a cámara a sacar fotos, é importante ter en conta canto tempo da realidade vai captar e cada cantos segundos vai sacar cada foto. Unha vez feitas, editeinas co Lightroom para que se vexa todo aínda que sea un pouco máis bonito.

Para que non fosen só fotos, púxenlle unha música que encaixa co time-lapse. A canción é Summer Breeze - Tobu & Jordan Kelvin James.

Un último detalle que lle quixen dar ao traballo foi sincronizar os cortes do vídeo cos ritmos da canción. Esto sempre aporta unha mellor estética.